وصفة ليوم بسيطة وساهلة لكن النتيجة روعة خصوصا إدا كنتو من عشاق ليتارت والكريم باتسيير بنكهاتها المختلفة مقادير العجينة : أصفر 4 بيضات + 200 غ سكر جلاصي + 500 غ دقيق + 250 غ زبدة باردة ملاحظة : أنا هنا عملت العبار دوبل يعني ممكن تعملو نصف المقادير كنخلط الدقيق مع الزبدة حتى يولي مرمل ونجمعو بأصفر البيض راه فالأول مكيبغيش يتجمع غير شوية شوية حتى تجمع نعملها في بلاستيك غدائي ونخليها ترتاح 30 دقيقة فالثلاجة نطلقها بين السولفيريزي باش متقطعش ونلبسها للمول نشكها مزيان من الوسط ونعمل وسطها سولفيريزي وكمية من الحبوب باش يتقلوها ومتطلعش من الوسط ونطيبها نصف طيبة ونحيد ليها الحبوب ونخليها تتحمر ردو البال معاها عنددكم تحرقوها لكريم باتسري بنكهة النيسكافيه : كاس كبير حليب + 2 اصفر بيض + 2 م ك دقيق او نشا + م ك نيسكافيه + 2 م ك سكر او حسب الذوق كنخلط كلشي مزيان ونعملو على نار متوسطة وانا كنحرك حتى يعقاد الخليط الكريم باتسري ببودرة اللوز: كاس كبير حليب + 2 اصفر بيض + 2 م ك دقيق او نشا + 2 م ك سكر او حسب الدوق + 2 م ك بودرة اللوز كنخلط كلشي مزيان ونعملو على نار متوسطة وانا كنحرك حتى يعقاد الخليط عملت طبقة من كريم النيسكافيه وخليتها حتى بردات عاد طيبت الكريم الثانية حيت إدا طيبت حتى كريم بودرة اللوز غادي تعقد ومنقدرش نوزعها مزيان فوق الكريم الأولى الكريمة بردات مزيان وولات طبقة متماسكة شوفو لي قلت ليكم دابا الكريمة باقية سخونة وسائلة غادي تتوزع على الطبقة الأولى بسهولة خليتها حتى بردات مزيان وزينتها بالفريز وكيوي وممكن تزيتوها بلي يناسبكم ولي متوفر عندكم
بسم الله الرحمان الرحيم مقادير العجينة المكسرة المعتمدة لدي 200 غ دقيق 100 غ زبدة 30 غ سكر كلاصي ملح صفر بيضة القليل من الحليب او الماء الطريقة نخلطوا الدقيق+الزبدة+السكر كلاصي+الملح حتى يصبح الخليط مرمل كما في الصورة . تم نضيف صفر بيضة + القليل من الحليب او الماء حتى تتجمع العجينة و تصبح كرة.تم نضعها في التلاجة كي ترتاح نصف ساعة انا كنستعملها مباشرة نسرحوها بالمدلك و نديروها في مولات صغار ديال التارت . تم نتقبوهم بالفرشيط او السكين تم في المجمد 5 دقائق حتى يقصاحوا و هاد الطريقة ما كتخليهمش ينزلوا ملي كنديروهم في الفرن. لتحضير الكريم باتسيير( واخا كتعرفوا الطريقة ) انا كنستعمل الكريم غبرة + الحليب حسب المقدار اللي بغيتوا+السنيدة الكل فوق نار مهيلة حتى تعقاد تم نملا بها التورتات. تم نزين بالفواكه اللي عندنا و الطريقة و الشكل اللي بغيتوا انا هادي هي الطريقة و الاشكال اللي كندير حسب الفواكه الموجودة تم تذهن بالناباج